Entries by Steingrímur Erlendsson

Sysmex XN-1000 á Húsavík

HSN Húsavík hefur tekið í notkun nýjan XN-1000 blóðkornateljara frá Sysmex. Greiningartækið er flaggskip Sysmex og sjá má nánari upplýsingar um tækið á vefsíðu framleiðanda hér.    

Deila:

Innleiðingar á cobas ® infinity

Innleiðing á cobas ® infinity rannsóknarstofulausninni frá Roche Diagnostics hefur verið framkvæmd hjá LSH og SAK. Einnig verður innleitt hjá HSU á næstunni.

Meiri samþætting greiningartækja á rannsóknarstofum við upplýsingatæknina er framfaraskref. Í raun má segja að um veldisvöxt í framförum sé að ræða og enn meiri árangur, frammistaða og stöðugleiki verður að veruleika.

Cobas ® infinity er mjög sveigjanleg stafræn vara sem hönnuð er til að hjálpa til við stjórnun á öllum verkefnum og verkferlum á mismunandi vinnusvæðum. Um er að ræða alhliða stjórnunartæki sem safnar öllum gögnum sem þörf er á og birtir upplýsingar skýrt á einn tölvuskjá.

Ákvörðunartaka verður skýrari og betri með breyttu verkflæði og samþættingu sem hægt er að sérsníða fyrir hvaða rannsóknarstofu sem er, þar sem allt flæði sýna í for- og eftirgreiningu sameinast í einni upplýsingatæknilausn.

Þessi tækni einfaldar lífið, léttir álagið og hámarkar nýtingu greiningartækja á rannsóknarstofum þar sem upplýsingar eru samþættar í rauntíma.

Fókusinn með cobas ® infinity er á árangur!

Deila:

STA Satellite Max til HSU, HSS og Sameindar

STA Satellite Max greiningartæki frá Stago hafa verið tekin í notkun hjá HSU á Selfossi, HSS í Keflavík og Sameind í Ármúla.

Blóðgreiningartækið er alsjálfvirkt og getur framkvæmt samtímis storknunar-, litninga- og ónæmismælingar með hámarks áreiðanleika.

Deila:

Cobas, Sysmex og Elga í nýjar höfuðstöðvar Sameindar

SAMEIND rannsóknastofa hefur tekið í notkun nýjan tækjabúnað í nýjum höfuðstöðvum fyrirtækisins í Ármúla 32. Blóðtökustaðir SAMEINDAR eru sex talsins. 

Búnaðurinn samanstendur af eftirtöldum tækjum:

Tvær samstæður Cobas 8000 greiningartæki, ISE, c 702 og e 801

Tvö Sysmex XN 1000

Eitt Cobas 6000 greiningartæki, c 501

Tvö Elga Medica Pro og eitt Elga Medica R7 vatnshreinsitæki.

Í dag er mikilvægara en nokkru sinni að rannsóknastofur búi yfir besta fáanlega tækjabúnaði fyrir nákvæmar og hraðvirkar greiningar á sýnum. Ferlið frá blóðsöfnun til lokaniðurstöðu prófunar krefst um leið færustu sérfræðiþekkingar og kostgæfni starfsmanna rannsóknarstofunnar. Vefsíða SAMEINDAR er hér.

Hér fyrir neðan eru myndir af starfsfólki LYRU og ROCHE DIAGNOSTICS í ferlinu frá því tækjabúnaður var fluttur til SAMEINDAR, settur upp og tengdur, prufukeyrður og allt þar til tækjabúnaðurinn var tekinn í notkun af starfsmönnum SAMEINDAR.

Deila:

Cobas 6000 samstæða til DeCode

Íslensk erfðagreining (DeCode) hefur tekið í notkun aðra cobas 6000 CEE stæðu frá Roche Diagnostics. Fyrir var fyrirtækið með alveg eins stæðu í starfsemi sinni. Tækjabúnaðurinn eykur afköst til muna. Nánari upplýsingar um cobas 6000 má sjá hér.

ÞEKKING Í ALLRA ÞÁGU
Með rannsóknum á erfðaefni Íslendinga leitar Íslensk erfðagreining orsaka margra alvarlegustu sjúkdóma sem hrjá mannkynið, svo sem krabbameina, hjartasjúkdóma og sykursýki. Þegar erfðavísar finnast, sem tengjast sjúkdómum, opnast möguleikar til að bæta líf og heilsu.

Deila:

LYRA er framúrskarandi

Framúrskarandi fyrirtæki eiga það sameiginlegt að vera stöðug fyrirtæki sem byggja rekstur sinn á sterkum stoðum og efla hag allra. Til þess að teljast framúrskarandi þurfa fyrirtækin að uppfylla ströng skilyrði sem eru listuð hér að neðan.

  • Fyrirtækið er í lánshæfisflokki 1-3
  • Ársreikningi skal skilað á réttum tíma lögum samkvæmt
  • Hefur skilað ársreikningi til RSK síðustu þrjú ár
  • Fyrirtækið er virkt samkvæmt skilgreiningu Creditinfo
  • Rekstrartekjur að lágmarki 50 milljónir króna síðustu þrjú ár
  • Framkvæmdarstjóri skráður í fyrirtækjaskrá RSK
  • Rekstrarhagnaður (EBIT) jákvæður síðustu þrjú ár
  • Ársniðurstaða jákvæð síðustu þrjú ár
  • Eiginfjárhlutfall a.m.k. 20% síðustu þrjú ár
  • Eignir að minnsta kosti 100 milljónir króna síðustu þrjú ár

LYRA er meðal þessara fyrirtækja.

Deila:

Lífeindafræði í HÍ

Lífeindafræðingar fást við rannsóknir á lífsýnum í þeim tilgangi að greina sjúkdóma, finna meðferðarmöguleika og stuðla að framförum í læknavísindum. Mikilvægi náms í lífeindafræði liggur í þekkingu sem stuðlar að öruggri greiningu, meðferð og forvörnum gegn sjúkdómum.

Á rannsóknastofu Háskóla Íslands í Stapa eru til staðar Cobas c311 og Cobas e411 greiningartæki frá Roche Diagnostics og einnig PURELAB Chorus vatnshreinsitæki (eimingartæki) frá ELGA. Lyra sá um uppsetningu á tækjunum og veitir þeim þjónustu.

Í klínískri lífefnafræði hjá Erlu Bragadóttur, lífeindafræðingi og aðjúnkt hjá Háskóla Íslands, fer fram áhugavert nám þar sem nemendur í lífeindafræði spreyta sig í ýmsum verkefnum og rannsóknum. Við fengum að kíkja við, þar sem fyrsti hópur af þremur var í tíma en nemendur eru 36 talsins. Ásamt Erlu, var Edda Ásgerður Skúladóttir, lífeindafræðingur og aðstoðarkennari í verklegri kennslu til staðar fyrir nemendur sem voru að greina sýni í Cobas greiningartæki á rannsóknastofunni. Um er að ræða verklegan hluta náms hjá nemendum í lífeindafræði. Meðfylgjandi myndir voru teknar við þetta tilefni.

Í Lífeindafræði er fjölbreyttum kennsluaðferðum beitt og mikil áhersla lögð á verklega þáttinn. Markmiðið er að mennta lífeindafræðinga með fjölþættri þekkingu og undirbúa þá fyrir störf á öllum tegundum rannsóknastofa á heilbrigðissviði og víðar.

Deila:

MagNA Pure 96 Instrument til SAK

Sumarið 2021 tók Sjúkrahúsið á Akureyri í notkun nýtt MagNA Pure 96 Instrument tæki til viðbótar þeim tækjum sem fyrir voru. Af því tilefni var tekið upp myndband þegar tækið var tekið í notkun við fögnuð viðstaddra.

Deila:

Öryggistilkynning vegna blóðsykurstrimla

Ágætu viðskiptavinir. Komið hafa upp mjög sjaldgæf tilvik þar sem Accu-Chek® prófunarstrimlar til blóðsykurmælinga gefa ekki nákvæmar niðurstöður. Þetta er rakið til þess að strimlaumbúðir hafi opnast eða orðið fyrir hnjaski í lokuðum öskjum í flutningum. Mælingar hafa þá gefið ranglega til kynna jákvæðar eða of háar niðurstöður mælinga. Kvörtun vegna þessa barst framleiðandanum Roche […]

Deila:

Nýtt Cobas 8800 tæki til LSH

Landspítalinn hefur fengið nýtt Cobas 8800 veirugreiningartæki á Sýkla- og veirufræðideild. Tækin eru því orðin tvö, en Cobas 8800 er framleitt af Roche, sem LYRA er umboðsaðili fyrir á Íslandi. Veirugreiningartækin eru bylting í rannsóknum sýkla- og veirufræðideildar LSH.

Cobas 8800 nýtist til víðtækra veirurannsókna eins og skimun blóðgjafa og líffæragjafa, greiningu HIV og lifrarbólgu, greiningu kynsjúkdóma svo sem HPV, í undirbúningi fyrir líffæraígræðslur og svo til greiningar á öndunarfærasýkingum, meðal annars berklum. Þá nýtist tækið við greiningar á COVID-19.

Greiningartækið er mjög fullkomið og afkastamikið, næstum alsjálfvirkt. Cobas 8800 er mun sjálfvirkara en annar eldri tækjabúnaður sýkla- og veirufræðideildarinnar og kallar á mun færri handtök starfsmanna. Greiningargeta Cobas 8800 er um 4.000 sýni á sólarhring á hvoru tæki fyrir sig á Sýkla- og veirufræðideild LSH.

LYRA sér um alla þjónustu Cobas tækja á Íslandi.

Nánar um Cobas 8800 á vefsíðu framleiðanda.

Hér má sjá myndir teknar á fyrri stigum uppsetningar á Cobas 8800

Hér má sjá myndir teknar á seinni stigum uppsetningar á Cobas 8800

Deila: