Cobas 8800 greiningartæki til LSH
Landspítalinn hefur tekið nýtt veirugreiningartæki í notkun á sýkla- og veirufræðideild. Um er að ræða Cobas 8800 frá Roche, sem LYRA er umboðsaðili fyrir á Íslandi. Veirugreiningartækið er bylting í rannsóknum sýkla- og veirufræðideildar LSH.
Tækið nýtist til víðtækra veirurannsókna eins og skimun blóðgjafa og líffæragjafa, greiningu HIV og lifrarbólgu, greiningu kynsjúkdóma svo sem HPV, í undirbúningi fyrir líffæraígræðslur og svo til greiningar á öndunarfærasýkingum, meðal annars berklum. Þá nýtist tækið við greiningar á COVID-19.
Cobas 8800 greiningartækið er mjög fullkomið og afkastamikið, næstum alsjálfvirkt. Roche Cobas 8800 er mun sjálfvirkara en annar tækjabúnaður sýkla- og veirufræðideildarinnar og kallar á mun færri handtök starfsmanna. Greiningargeta tækisins er um 4.000 sýni á sólarhring.
LYRA sér um alla þjónustu við tækið á Íslandi. Tækið var komið upp og tilbúið til notkunar í janúar og kennsla á tækið fór fram síðustu daga janúar 2021.
