Entries by Steingrímur Erlendsson
OHAUS á Íslandi
LYRA er umboðsaðili OHAUS á Íslandi. Allt vöruframboð OHAUS má sjá hér.
Hjá LYRU eru til nokkur demó tæki sem rannsóknastofur á heilbrigðissviði á Íslandi geta fengið lánuð til prufu.
Tækin eru:
- Micro skilvinda ( Smelltu hér fyrir nánari upplýsingar um tækið )
- Vortex blandari ( Smelltu hér fyrir nánari upplýsingar um tækið )
- Hitari / segulhrærari ( Smelltu hér fyrir nánari upplýsingar um tækið )
- Lítil vog I ( Smelltu hér fyrir nánari upplýsingar um tækið )
- Lítil vog II ( Smelltu hér fyrir nánari upplýsingar um tækið )
Sysmex námskeið
Sysmex XN-1000 “Super User Training” námskeið var haldið hjá LYRU í Hádegismóum dagana 25. og 26. apríl. Níu notendur frá átta rannsóknastofum tóku þátt í námskeiðinu.
Að fyrri námskeiðsdegi loknum skellti hópurinn sér á Grand Brasserie veitingastaðinn á Grand Hótel Reykjavík.
Meðfylgjandi myndir eru af þátttakendum ásamt fyrirlesara og starfsfólki LYRU.
Roche notendaráðstefna 2023
Notendaráðstefna LYRU og Roche Diagnostics var haldin þann 23. febrúar 2023 á Hilton Reykjavík Nordica. Farið var yfir það nýjasta og markverðasta sem framundan er í tækniframförum, tækifærum og möguleikum fyrir rannsóknastofur á heilbrigðissviði. Einnig var farið yfir COVID tímann og margt, margt fleira.
Ráðstefnuna setti Guðbjartur Gunnarsson, framkvæmdastjóri LYRU og fyrirlesara voru Þórólfur Guðnason, fyrrum sóttvarnarlæknir, Ólöf Sigurðardóttir, yfirlæknir á Sjúkrahúsinu á Akureyri ásamt teymi sérfræðinga frá Roche Diagnostics.
Guðmundur Jensson, yfirmaður tæknideildar LYRU og Sunna Helgadóttir, sérfræðingur hjá LYRU voru einnig með erindi á ráðstefnunni.
Ráðstefnuna sótti starfsfólk á íslenskum rannsóknastofum á heilbrigðissviði.
Leica CM1950 á meinafræðideild LSH
Landspítali hefur tekið í notkun Leica frystiskurðtæki til lífsýnarannsókna á meinafræðideild. Tækið hentar til rannsókna á mismunandi tegundum sýna.
Meinafræðideild Landspítala er elsta rannsóknarstofa landsins og hóf starfsemi árið 1917. Í upphafi var stofnuð Rannsóknarstofa Háskóla Íslands sem síðar varð ein deilda Landspítala. Nafninu Rannsóknarstofa Háskólans í meinafræði var breytt árið 2004 í meinafræðideild Landspítala.
Hér fyrir neðan má sjá eldra tæki frá árinu 1980 sem nýja Leica tækið leysir af hólmi.
Tosoh G11 hjá Sameind
Tosoh HLC-723 G11 er sjálfvirk HPLC greiningatæki sem er sérstaklega hannað til að koma til móts við sívaxandi fjölda HbA1c beiðna og almennri þörf á að hámarka vinnuflæði á rannsóknastofum. Tosoh G11 greiningatækið er hraðvirkt, nákvæmt og notendavænt.
Sameind rannsóknastofa hefur tekið tvö Tosoh G11 tæki í notkun sem greina fleiri afbrigði hemoglóbíns til að fá betri mynd af sykurstjórnun sjúklings. Auk mælinga á hefðbundum HbA1c styrk, þá er hægt að mæla afbrigði sem veita leiðrétta HbA1c niðurstöðu ef ákveðin blóðrauða afbrigði eru til staðar o.fl.
Með því að nota HPLC tækni sýnir Tosoh G11 greiningatækið raunverulega stöðu blóðsýnis og blóðrauða, sem veitir læknum nákvæmari upplýsingar til að taka viðeigandi klínískar ákvarðanir fyrir sjúkling.
Stago ST Genesia á LSH
Stago ST Genesia greiningatæki hefur verið tekið í notkun á Rannsóknadeild Landspítala við Hringbraut. Tækið er sjálfvirkt og hannað til að styðja við klínískar rannsóknir á rannsóknastofum og staðla niðurstöður þrombínmyndunarprófa og gera þau sjálfvirk.
Með þessu eru prófanir gerðar aðgengilegri til notkunar í „in vitro“ greiningum (IVD). Þá er ST Genesia hannað til að bæta við þær upplýsingar sem venjulega eru veittar með venjubundnum prófunum (TP, TCA, o.s.frv.) eða sérhæfðum prófunum (Anti-Xa, ECA) og bjóða upp á bætt mat á segamyndun og blæðingum hjá sjúklingum.
Cobas application þjálfun
Sérfræðingur frá Roche Diagnostics sá nýlega um application þjálfun á Cobas 6000 á rannsóknastofu Íslenskrar erfðagreiningar með starfsfólki ÍE og HSU á Selfossi.
Einnig fór fram þjálfun á Cobas C311 á rannsóknastofu Háskóla Íslands í Stapa með starfsfólki, en á þeirri rannsóknastofu fá nemendur í lífeindafræði að spreyta sig í ýmsum verkefnum og rannsóknum.
Meðfylgjandi myndir voru teknar af þessu tilefni.
